E actual Miss Colombia, Laura Olascuaga, a nace na Cartagena, Bolívar 25 aña pasa y ta un comunicadora social. E tin experencia caba den e eventonan di beyesa participando na e Concurso Nacional de Belleza na 2018, unda el a keda como virreina. Sin embargo, algun dia despues, Laura Olascuaga a renuncia su titulo, como representante di Departamento de Bolívar.
E momento ey el a bisa cu e ta hacie pa motibonan personal. Mientras su contesta riba e preguntanan cu su siguidonan a hacie riba Instagram, riba e motibonan di su renuncia na e titulo, su contesta tabata cu un imagen di un sker cortando un par di hala.
Den su casting pa participa na Miss Universe Colombia, e cartagenera a bisa cu e tabatin dos obhetivo: Señorita Colombia, cual no a logra y continua cu su carrera, p’esey ora e no a gana, el a dicidi pa renuncia e titulo. Laura a bisa: “Pero nunca mi a renuncia mi seguidonan, e hendenan cu a kere den mi y ni mi departamento”.
Despues cu Laura a gana e puesto di Miss Bolívar dia12 de october aña, el a papia refiriendo na su experencia pasa. “E segundo oportunidadnan ta refleho di constancia, tenacidad y empeño cu ta penetra na bo soñonan. Awe ta inicia un capitulo nobo pa inspira y demostra e orguyo grandi cu mi ta sinti como muhe bolivarense y como colombiana. For di e momento aki, mi ta ratifica mi compromiso y entrega na e labor aki, cu ta converti den mi mision di bida y e soño di miles di muhe colombiano”, el a skirbi riba su Instagram e dia ey.
