Desde un tempo caba cu e colombiana, Sofía Vergara, ta mantene un debate legal cu su ex-pareha. Nick Loeb, pa e derechonan riba e embryonan gevries di tempo cu nan tabatin un relacion amoroso. Medionan mericano a informa cu e actriz a gana un huicio contra e empresario, cu tambe ta busca pa uza e embryonan. E Corte Superior na Los Angeles, ya a duna ordo diamars cu Loeb no por haci uzo di e embryonan gevries sin ‘consentimento explicito por escrito’ di e actriz, segun e portal Page Six a detaya.

Vergara y Loeb a dicidi di uza e metodo di fecundacion in vitro y vries e embryonan ora nan tabata pareha. Nan relacion sentimental a cuminsa na 2010 y na 2012 a comprometi, pero na 2014 nan a kibra y poco despues a cuminsa e peleanan den corte pa e embryonan gevries, cu a dura varios aña. Sofia Vergara a sostene den e caso contra Loeb, cu un di e dos partinan no por logra di haya derecho unico riba e embryonan sin e consentimento di e otro. Den un comunicado di Nick Loeb diaranson, el a bisa cu ta tristo cu Sofia, un catolico devoto, ta crea intencionalmente baby pa simplemente mata nan, despues di a perde e caso.

 

LEAVE A REPLY

Please enter your comment!
Please enter your name here