E relacion di cuater aña entre Jennifer Lopez y Alex Rodriguez pa un momento cortico a yega su fin, pero for di esunnan cu a sigui e pareha di cerca a sali e informacion cu nan tin rasonnan hopi poderoso cu ta mantene nan hunto. Un separacion definitivo por causa diferente problema pa e pareha den e parti financiero.  ARod a biaha fin di siman pasa pa Republica Dominicana, unda e actriz ta filma su mas reciente proyecto ‘Shotgun Wedding’. Na su yegada e cantante a mustra feliz cu e bishita, segun e imagennan capta pa e paparazzinan ta mustra.

E pareha a probecha e encuentro pa mantene un combersacion largo tocante e cosnan cual nan mester traha riba dje den nan relacion, riba un terasa mientras nan ta wak riba un computer. Un fuente cercano di e  actriz y ex-pelotero a laga sa cu Alex ta hopi consciente cu e relacion ta colga na un hilo, p’esey el a tuma e decision di haci e biahe relampago. Despues di e encuentro aki, otro informante a bisa cu Lopez y ARod tabatin algun dia esplendido na Republica Dominicana y nan ta sigui traha riba nan asuntonan. Aunke e imagennan ta mustra cu tur cos a bay bon toch no sa cu e decision pa keda hunto lo ta definitivo.

Na e momentonan aki segun nan amistadnan, cu Alex no kier separa y el a haci hopi promesa pa trata pa nan keda hunto. El a biaha djis pa ta cu Jennifer y demostre con serio e ta cu ne. Nan no sa ki lo bay pasa. Si nan ta bay sali for di e situacion complica aki, pa regla nan bida, negoshinan y famia, pasobra un kiebro lo ta devastador pa tur esunnan involucra. Door di no por a preveni e morochonan di 13 aña di JLo, Emme y Max, y e dos yiu muhenan di Alex, Natasha (16) y Ella (12), di e posibel separacion aki, a pone cu e pareha a lansa un comunicado cortico diabierna cu nan ta sigui hunto, momento cu e rumornan a bira conoci rond mundo.  

LEAVE A REPLY

Please enter your comment!
Please enter your name here