E diputado encarga cu Asuntunan Social, Bibienda Popular, Educacion y Cultura y Salubridad Publico di Boneiro, Nina den Heyer, ta den edicion di Focus Digital Magazine di e luna di maart. Nina a sali e prome hende muhe ‘votegetter’ di Boneiro. Esaki p’e tabata un experencia indescribibel, paso e no a spera ‘at all’ y el a mir’e, cu porfin como hende muhe, a bolbe logra algo den historia Boneriano. Y tabata net den un momento dificil den su bida priva, cu asunto di violencia domestico y divorcio. Kiermen el a sinti como un deken cayente di parti di pueblo pa su persona.
Na aña 2016 Nina den Heyer tabatin e honor di a sirbi pueblo di Boneiru como diputado pa prome biaha. Despues di eleccion di 2019 el a bolbe haya e oportunidad di sirbi e isla. Nina ta conta di su experencia como Diputado di Salubridad den e crisis causa pa Covid-19. E tabata un periodo cu e por describi como un ‘emotional rollercoaster ride’. Specialmente den comienso ora hopi cos tabata insigur. E ta conta con un cierto momento e mester a drenta su auto y dal un rondje cant’i lama pa ‘clear’ su cabes y pensa alternativa: ”Mi no ta gaña, mi a yora y sclama na Dios pa yuda nos. Danki Dios, di parti di Hulanda, hopi lihe e cennan a pasa over”.
Nina den Heyer ta elabora riba su trabou como diputado, su estilo di bida, su deseonan cu e kier mira realisa tanto personal como profesionalmente. Lesa e entrevista completo den edicion di FOCUS Digital di maart cu ta acesibel via Apple Store of Android Google Play Store, cu por download e aplicacion aki gratis riba un smartphone of tablet.
