Cayo ta un di e problemanan na cuero mas comun y sorprendente ta, cu e ta forma den bo cuero pa proteg’e contra lesion. Pero con por kita cayo? Aki algun conseho di e buki; Como ser bella, di Martha Figueroa de Dueñas y nan ta funciona!

1. ‘Higos’ of ‘figs’ 

E juice di e fruta aki ta excelente pa retira cayo. Mescla dos ‘higos’ (figs) den blender cu mitar glas di awa y aplic’e riba e cayonan pa 10 minuut y despues haw’e cu awa lauw. 

2. Infusion di manzanilla

Haci un infusion di cuater cuchara di manzanilla den un liter di awa, muha bo pianan den e infusion. E ta yuda alivia e molesternan y ta suavisa e cuero duro. 

3. Lamunchi

Corta un lamunchi, pon’e riba e zona unda bo tin cayo y mara e slice di lamunchi cu un paña y lag’e actua durante henter anochi.  

 4. Vitamina E

Prome cu drumi, muha bo pianan den awa lauw y kibra un capsula di vitamina E. Aplic’e riba e cayonan y freg’e suavemente. Seca bo pianan, aplica vaseline riba dje y proteg’e cu mea. 

 5. Siboyo

Prome cu drumi, corta mitar siboyo y freg’e den e zona di cayo. Hacie pa 10 minuut, haw’e cu awa lauw y aplica vaseline.  

6. Conoflok

Coy un djente di conoflok, machic’e y mescl’e cu azeta di oleifi y cubri e cayo cu ne cu un paña y bisti mea. Kit’e y laba bo pia e siguiente mainta. 

7. Bicarbonato di sodio

Traha un pasta cu un cuchara di bicarbonato di sodio y awa y sumergi bo pianan durante 10 minuut den awa lauw. Sac’e y pone e pasta riba bo cayonan y lag’e para 5 minuut y despues freg’e cu un piedra ‘pómez’.

LEAVE A REPLY

Please enter your comment!
Please enter your name here