Bill Gates y su casa Melinda ta divorciando despues 27 aña casa y despues di acumula un fortuna di 127 biyon di dollar. E fundado di Microsoft, di 65 aña, a anuncia e split riba Twitter. “Despues di pensa hopi y traha basta, nos a tuma e decision pa pone un fin na nos matrimonio. Durante e ultimo 27 añanan, nos a lanta tres yiu increibel y construi un fundacion cu ta funciona full rond mundo pa permiti pa tur hende por hiba un bida saludabel y productivo.
“Nos ta continua compartiendo nos creencia den nos mision y lo sigui traha hunto den e fundacion, pero ya nos no ta kere cu nos por crece hunto como pareha den e proximo fase di nos bida. “Nos ta pidi espacio y privacidad pa nos famia mientras nos ta cuminsa nabega den nos bida nobo”, e comunicado ta bisa. E pareha tin tres yiu: Jennifer, 25, Rory, 21, y Phoebe, 18. E divorcio, aunke uno di esnan mas caro den historia, no ta e mas. E titulo ta bay pa Jeff Bezos, fundado di Amazon cu a dividi su fortuna di 150 biyon di dollar cu su casa MacKenzie na 2019 despues cu su romance cu Lauren Sanchez a keda revela.
