Si ta existi e sash di ‘Miss Controversial’ den Miss Universe, sin duda e hoben aki lo bay cu ne. Ta trata di Radinela Chusheva, Miss Bulgaria, cu a obtene e corona na final di 2019. Sin embargo, tabata dia 30 di maart cu e organisacion a confirma su participacion na e certamen universal.
Radinela a ricibi un ola di critica dia el a gana e corona di Miss Bulgaria, principalmente paso el a ser acusa cu su ‘guy’ a cumpra e corona. El a enfrenta e criticanan durante un entrevista riba e portal mybeautyqueens.com, bisando: “Mi no tin casa, mi no tin un prometido. Si por a cumpra e corona ey, siguramente tur e mucha muhenan cu ta soña cu e corona lo purba paga p’e.”
Otro comentarionan di e miss y modelo di 24 aña ta tocante su lipnan voluminoso y otro supuesto cirugia. El a contesta cu su lipnan el a djis laga yena cu acido hyaluronico y den 6 luna bo no ta mira e efectonan mas. Radinela tin un personalidad fuerte, cu lo bay impresiona tur hende na e competencia y cu lo converti Miss Bulgaria den un di e faboritonan pa e titulo. El a uza su rednan social tambe pa anima e hobennan pa sigui traha pa haci nan soñonan realidad.
