Bo ta cansa y no por cera bo wowonan? No ta existi nada mas dushi cu un anochi di soño profundo, p’esey aki tin 7 TIPS cu por yuda bo pa un descanso optimo.
1
Crea un rutina! Bay drumi y lanta mesun ora tur dia y bo curpa lo custumbra.
2
Cana of landa trinta minuut cada dia. Esaki ta yuda cu bo curpa ta activa y bo ta sinti cu bo ‘merece’ un descanso.
3
Implementa e uzo di azeta esencial pa relaha bo mes. Por haci esaki cu un ‘diffuser’.
4
Purba di evita come sucu seis hora prome cu bo bay drumi, tambe purba di no bebe cafeina of alcohol paso esaki ta acelera bo curason.
5
Come un cuminda ‘light’ anochi, pa bo curpa bay den un soño profundo, bo curpa mester digeri e cuminda prome cu bo bay drumi.
6
Meditacion! No tin un practica mas poderoso pa calma bo mente. Esaki ta yuda bo pa bo no keda anochi lanta pensado riba tur cos cu ta duna bo ansiedad.
7
Pone un video cu tin ‘white noise’ of ‘rain sounds’ prome cu bo bay drumi. Por haya e videonan aki via Youtube. Esaki por wordo haci via bo television, ta pone riba un timer di 30 minuut y laga e video play.
