E talk show di Ellen DeGeneres ta yega su fin e aña aki despues di 19 season. E presentador di e talk show a informa su personal di e decision diamars, y e ta bay discuti e noticia cu Oprah Winfrey riba diahuebs. “Ora bo ta un persona creativo, bo mester wordo reta constantemente – y maske con bon e programa aki ta, y asina dibertido manera e ta, e no ta un desafío mas”, DeGeneres a bisa un publicacion comercial. E anuncio tambe a bin despues di e informenan di un cultura laboral toxico, discriminacion y acoso sexual ultimo aña den e show. E momento ey, el a reconoce cu e atmosfera a converti den algo cu no tabata refleha e balornan cu cual a cuminsa e show, y a compromete pa haci miho.
“El a casi impacta e show”, Ellen a bisa e momento ey. “E tabata hopi doloroso pa mi. Mi kiermen, hopi. Pero si mi a laga e show p’esey, mi no por a bolbe e season aki”. Sin embargo, e reaccion a afecta e ratings di e show. Aunke e apertura di season 18 tabatin un di e ratings mal halto di un estreno de “Ellen” den cuatro aña, e show a perde mas di un miyon espectador desde september. Segun e data di Nielsen, e programa promedio tabata alrededor di 1.5 miyon espectador den e periodo di seis luna entre september y maart, bou di 2.6 miyon durante e mesun periodo aña pasa.
DeGeneres, di 63 aña, ta e pionero pa e LGBTQ community desde su cover story pa Time Magazine: “Yep, I’m Gay”, cu a casi destrui su carera na 1997. Desde cu el a cuminsa “The Ellen DeGeneres Show”, e comediante a acumula mas di 64 Daytime Emmy y a yuda normalisa e representacion ‘queer’ na television. Den un entrevista cu Hollywood Reporter, DeGeneres a bisa cu el a planea pa termina e show despues di season16, pero el a bay di acuerdo pa extende su contract pa tres aña. “Esey tabata planea caba”, el a bisa.
