Dios mes a inspira Shamiro Anita pa interpreta musica gospel. El a acepta Hesucristo como su Señor y Salbador na 2008, cual tabata net durante e temporada di Curastars. Anto for di e momento ey, te awe, e ta sinti e yamada di Dios pa inspira y encurasha otro pa medio di musica. Shamiro tabata canta for di chikito, pero su carera musical a inicia na 2007, ora el a canta pa prome biaha en bibo na 45 cumpleaño di su kerida mama.
El a laga tur invitado impresiona y for di eynan, a encurash’e pa considera un carera den musica. Hopi hende a bisa Shamiro pa e traha su mes musica, pero a tum’e 1 aña pa traha su prome cantica, cu tabata ‘Move Tur Montaña’. For di eynan a sigui produci varios cantica, album, videoclip, y e conciertonan grandi, y cu recorido na varios parti di mundo. Aworaki e focus di nan ministerio ta di un vision mas internacional.
Apart di musica Shamiro Anita ta un profesional den e area di Entrepreneurship y tin varios negoshi. E tin un Bachelor den Business Administration y un Masters den Business Management. Maske cu esey por zona un tiki straño, paso hopi biaha eseynan ta parce dos diferente mundo. Pero e ta considera su mes tambe un empresario di curason. Lesa e entrevista completo di Shamiro Anita den FOCUS Digital di mei, cu ta acesibel via Apple Store of Android Google Play Store, cu por download e aplicacion riba un smartphone of tablet.
