Santos Saúl Álvarez Barragán mas conoci como ‘Canelo’, e famoso mexicano profesional den boxeo, cu a gana campeonatonan mundial den 4 categoria di peso, considera un di e miho boxdonan di mundo, a casa diasabra ultimo cu Fernanda Gómez. E ceremonia religioso a tuma luga memey di un cantidad flor blanco na Catedral de la Basílica De la Asunción de María Santísima, na Guadalajara, Jalisco. Canelo a yega den un Rolls-Royce, unda un publico grandi tabata spera e yegada di e pareha. Sin embargo e entrada di e novia den su shimis di bruid ‘haute couture’ di Elie Saab a causa un impacto total.
Despues di e ceremonia e pareha tabatin un bunita gesto cu e hendenan y a complace e coro cu tabata pidi: “Beso, beso, beso!”. E momento ey Saúl y Fernanda, no a duda pa seya nan amor dilanti tur hende uniendo nan lipnan romanticamente, algo cu a genera furor entre e esunnan presente. Despues di e ceremonia, e pareha recien casa y tur nan circulo mas cercano, alrededor di 500 persona, a bay na un hacienda, unda a celebra riba ritmo di e musica di Mana, Los Angeles Azules y Banda El Recodo. Entre e invitadonan tabatin hopi personalidad conoci y e famoso artistanan: J Balvin y Prince Royce.
