NUNCA BO LO PERDE PESO SIN E 5 COSNAN AKI

Pa yuda logra un estilo di bida mas saludabel y finalmente pa perde peso, aki tin 5 P pa Perde Peso exitosamente. E conceptonan aki, aunke aparentemente basico, tabata bastante poderoso pa hopi hende pa nan a logra perde peso.

• 1. Priorisa: Si finalmente ta bay adopta un estilo di bida mas saludabel y perde peso, e ora bo MESTER hacie un prioridad y compromete pa cambia. Bo por gasta tur e placa di mundo den cada dieta y plan pa perde peso, pero si perde peso no ta un prioridad, nunca e ta bay sosode. E perdemento di peso ta mas un wega mental cu un wega di cuminda. Unabes cu bo convence bo cerebro pa haci esaki… e resto ta bira mas facil.

• 2. Planea: Siguientemente bo mester un plan pa perde peso por escrito. Nota cu ta bisa skirbi. E exito pa perdida di peso por wordo logra ora ta skirbi e meta-, obhetivo- y tareanan diario. Ta manera un ‘weight loss to-do list’. Cuminsa cu e obhetivo mas grandi (por ehempel, perde 40 liber) y despues dividi esaki den obhetivonan manehabel mas chikito. Siguientemente crea tareanan; mensual, semanal y diario. Claro cu por haci ahustacion na e plan segun e ta necesario.

• 3. Prepara:  Sigui un ‘weight loss plan’ ta mucho mas facil ora bo prepara cu anticipacion. Un forma di hacie ta pa adelanta y freeze e cumindanan. Haciendo esaki ta yuda pa tin e cuminda y snacks saludabel, cu ta riba bo meal plan cla pa come. Ademas, si bo tin e pañanan pa workout cla prepara, e por ta un factor decisivo si bo ta bay subi e treadmill si of no. Prepara cu anticipacion ta rekeri un poco di planeamento y esfuerso adelanta, pero ta e ingrediente clave pa avansa den bo plan pa perde peso. Preparacion ta duna movimento na e plan!

• 4. Pasenshi: Esaki ta uno GRANDI! E mayoria di biaha, e perdemento di peso ta consisti den kibra añanan di custumbernan malo y reconstrui esnan nobo y saludabel. Esaki ta tuma tempo y no ta sosode di anochi pa mainta. Tin testimonio di hendenan cu ora nan a cuminsa nan trayectoria pa baha peso, nan tabatin 10 aña di custumbernan malo pa kibra. E no ta bay facil, sinembargo, unabes cu cuminsa implementa poco poco e cambionan saludabel, e peso ta cuminsa reduci y e curpa ta cuminsa transforma. Den un forma saludabel por perde un promedio di 1 pa 2 liber pa siman. E ta tuma tempo pero e ta sosode.

• 5. Persistencia: Lo por pasa cu hopi biaha bo ta haya bo ta bolbe na e custumbernan bieu of luchando cu esnan mas saludabel. Si chuculati tabata un di bo mecanismonan di supervivencia den e ultimo 10 añanan, tin biaha lo ta dificil anda cu esaki di un manera diferente. E ta OK! Siña perdona bo mes, paso niun hende ta perfecto y tur hende tin biaha tin nan ‘struggles’. Tuma e momentonan debil y converti nan den momentonan di enseñansa. ¡Never Give Up!