E ceremonia di e matrimonio di Ariana Grande y Dalton Gomez a tuma luga cinco luna despues cu Grande a anuncia su compromiso, momento cu el a comparti un potret di su reenchi di compromiso di perla y diamante na december. Nan a cuminsa ‘date’ na januari 2020 y a pasa distanciamento social door di pandemia na cas di Ariana na Los Angeles. Nan a dicidi di haci nan relacion publico den e video musical ‘Stuck With U’ di Justin Bieber.

E cantante a uza su Instagram pa comparti cu su mas di 200 miyon seguidonan, e prome potretnan di bruid cu e caption “5.15.21  ?,”  y por mira e artista di 27 aña radiante den su shimis di bruid. Riba algun di e imagennan por mira tambe Dalton Gomez, y hasta por mira un di nan cachonan.

Ariana a opta por un shimis recht cu escote na e lombra di Vera Wang, mientras cu Dalton pa un suit preto di Tom Ford. E union entre Ariana y Gomez a ser realisa durante un ceremonia hopi intimo cu no mas di 20 persona, na e cas na Montecito cu tabata di Ellen DeGeneres, cu e cantante a cumpra pa 6.75 miyon dollar.

LEAVE A REPLY

Please enter your comment!
Please enter your name here