E prome potretnan di e matrimonio di e Prome Ministro di Reino Uni, Boris Johnson, y Carrie Symonds a surgi mustrando e recien casanan ta wak otro romanticamente. E imagennan saca den e hardin di Downing Street a wordo publica despues cu No10 finalmente a confirma, cu e pareha a casa durante un ceremonia chikito na Westminster Cathedral ayera tardi, cu un celebracion mas grandi planea pa e proximo zomer. E pareha a compromete na Mustique na december 2019 y tin un yiu di 1 aña di edad.
Carrie Symonds di 33 aña, a luci un shimis di canchi blanco di Costarellos, cu costa £2,870 y un corona di flor blanco riba su cabes, mientras e ta mira cu amor su casa den e hardin ilumina pa e solo. Boris Johnson, a bisti un suit scur, y pa e ocasion special aki ta parce cu el a borstel su cabey, cu semper ta mustra bruha. Johnson, di 56 aña, ta e prome Prome Minister cu a casa mientras e ta den su funcion desde Lord Liverpool na 1822. E matrimonio di Johnson y Symonds tabata seis dia despues, cu nan a manda un ‘save-the-date’ pa e invitadonan, pa mantene diasabra 30 di juli, 2020 liber pa nan celebracion matrimonial.
