Reina Máxima a mustra hopi bunita den ros pa un compromiso pa inicia e luna di juni. E realesa a recicla su blusa Natan combinando esaki cu un carson hancho pa su bishita na Groninger Museum na Groningen. Máxima a luci e vestuario aki na juli pa e ceremonia digital di Appeltjes van Oranje social awards. Pa e ocasion aki el a complementa e outfit cu un sombre di hala hancho, coyar di perla y renchi di horea floral, cu segun a ser informa ta di Van Cleef & Arpels.
Máxima cu a cumpli 50 aña dia 17 di mei ultimo, tabata presente pa e inauguracion di e prome Children’s Biennale na Hulanda. E ta un exposicion interactivo cu e obranan di e artistanan di Hulanda y for di exterior. Trienta mucha embahador di e provincia di Groningen, a contribui pa creacion di e obranan di arte y diseño di e exposicion. Reina Máxima a haci un recorido den e exhibicion awe y el a papia tanto cu e artistanan como tambe e ‘kinderambassadeurs’. Mientras cu e reina tabata den e museo el a luci un tapaboca biña.
