E mucha muhe di 17 aña cu a yega di papia a traves di su abogado, pa bisa cu nunca su intencion tabata pa ta un heroe y cu no tabatin un idea di e impacto cu e video lo tin alrededor di mundo. Darnella Frazier tabata keiro cu su prima di nuebe aña pa busca un snack na Cup Foods na Minneapolis riba Memorial Day 2020, ora el a mira cuatro polis ta saca un homber color scur for di interior di un vehiculo.
E no tabatin idea cu e lo ta testigo y lo documenta un di e asesinatonan policial mas importante di e historia di Merca, segun e abogado di Darnella, Seth Cobin, a declara na Star-Tribune. Si no tabata su curashi, animo y man fuerte y boluntad pa post e video riba Facebook y comparti su trauma cu mundo, e cuater polisnan kisas ainda lo ta riba e cayanan, posiblemente terorisando otro miembronan di e comunidad.
E momento ey, Darnella no tabatin un idea cu e video di su telefoon celular, lo captura e accion cu a conduci na e morto di George Floyd, imagennan cu a provoca protesta rond mundo. Cobin a bisa cu Darnella Frazier no tabata busca pa ser un heroe, pasobra e ta simplemente un studiante di high school, cu un guy y un trabou na un mall, cu a haci loke ta corecto.
