Durante casi un siglo, e muhenan tabata cerando e ‘gender gap’ den consumo di alcohol, consumo excesivo di alcohol y trastorno pa consumo di alcohol. Loke anteriormente tabata un ratio di 3-1 pa e habitonan di consumo di risico den e hombernan versus e muhenan, ta cerca di 1-pa-1 globalmente, segun varios estudio na 2016. Y e datonan mas reciente na Merca for 2019 ta mustra cu e muhenan ora nan ta den nan epoca di teenager y ‘early 20s’ a informa di bebe y bira burachi mas hopi cu e guynan – den algun caso, pa prome biaha desde cu e investigadonan a cuminsa midi e compartamento aki.
E tendencia aki ta bay paralel cu e aumento di e problemanan di salud mental entre e muhenan jong, y e investigadonan ta preocupa cu e efectonan na largo plazo di e pandemia di covid-19 por amplifica ambos patron. “No ta solamente cu nos ta mirando cu mas hende muhe ta bebe mas, sino cu realmente ta mustra afecta pa esaki desde e punto di bista di salud fisico y mental”, segun Dawn Sugarman, psicologo investigado di McLean Hospital na Massachusetts, cu a studia adiccion den e hende muhenan.
E investigacionnan ta mustra cu e muhenan ta sufri e consecuencianan di nan salud door di alcohol (enfermedad di higra, enfermedad di curason y cancer) mas lihe cu e hombernan y incluso cu e nivelnan mas abou di consumo. Kisas e mas preocupante ta e creciente igualdad di genero den consumo di alcohol no ta extende na e reconocemento of tratamento di e trastornonan di alcohol, Sugarman a bisa. P’esey, aunke algun hende muhe ta bebe mas, ta menos probabel cu nan ta haya e yudansa cu nan mester.
Aunke e gender gap den consumo di alcohol ta reduciendo entre tur e edadnan, e motibonan ta diferente. Pa e personanan riba 26 aña, e muhenan ta aumentando nan consumo di alcohol mas rapido cu e hombernan. Entre e teens y young adults, sin embargo, tin un disminucion general den consumo di alcohol. E disminucion ta simplemente mas lento pa e muhenan. Esaki por parce un progreso, segun Aaron White, asesor cientifico principal di National Institute on Alcohol Abuse and Alcoholism. Pero e por indica problemanan mas grandi y profundo.
“Nos tin un preocupacion real cu si por wel di ta cu menos hende ta bebiendo, hopi di esunnan cu ta bebe por ta haciendo esaki specificamente pa trata na enfrenta un situacion”, White a bisa. “Y esey ta problematico”. E investigacionnan ta mustra cu e hendenan cu ta bebe pa anda cu un situacion, na luga di bebe pa placer, tin un riesgo mas grandi di desaroya un trastorno pa consumo di alcohol. Y aunke e rasonnan di cada individuo pa bebe ta diferente, e estudionan a descubri cu e muhenan tin mas probabilidad di bebe pa enfrenta un situacion compara cu e hombernan.
E muhenan estadisticamente tin mas probabilidad di sufri di abuso infantil of agresion sexual cu e hombernan. Den e ultimo añanan, e resultado di e estudionan a mustra cu e ‘rate’ di depresion, ansiedad, trastorno alimentario y suicidio ta aumentando entre e teeners y e hobennan adulto. Esaki por ta impulsando nan consumo di alcohol, segun White. E muhenan generalmente tin menos awa corporal, cu ta disolve e alcohol, cu e hombernan di mesun peso. Esaki ta significa cu e mesun cantidad di bebida ta conduci na concentracion mas halto di alcohol den e sanger, y e tehidonan corporal ta expone na mas alcohol pa bebida. Esaki ta mustra cu e muhenan ta sufri e efectonan negativo di alcohol den nan salud mas lihe cu e hombernan, incluso cu menos cantidad di consumo di alcohol segun e investigacion.
