E ultimo cos cu bo ta haci prome cu bo bay drumi tin un impacto significativo den bo estado di animo y nivel di energia riba e dia siguiente. E personanan exitoso ta compronde cu nan exito ta cuminsa y termina cu nan salud fisico y mental, cu ta depende casi por completo si nan ta drumi suficiente.
P’ESEY TA IMPORTANTE PA ESTABLECE UN RUTINA PROME CU DRUMI
1. Nan ta lesa
Michael Kerr, un orador empresarial internacional ta conta cu e conoce un candidad di lider di empresa, cu ta reserva un tempo prome cu nan bay drumi pa nan lesa. E ta agrega: “Esaki no ta necesariamente reserva solamente pa lesa tocante di negoshi of textonan inspiracional. Hopi hende exitoso ta haya balor den explora riba diferente sorto di topico, cu por yuda stimula mas nan creatividad y pasion den nan bida”.
2. Nan ta haci un ‘to do list’
“Aclaria e mente pa un anochi di soño profundo ta fundamental pa hopi e hendenan exitoso” Kerr ta bisa. “Hopi biaha nan ta tuma e tempo pa skirbi un lista di e cosnan cu nan mester haci e dia sigueinte, pa asina e pensamentonan aki no termina invadiendo nan espacio mental durante anochi”.
3. Nan ta refleha riba nan dia
Kerr ta bisa cu ta importante pa tuma e tempo prome cu bo bay drumi pa reflexiona of skirbi e tres cosnan cu bo ta agradecido p’e, cu a pasa durante e dia. “Un journal di gratitud tambe ta corda e persona di e progreso, cu el a logra e dia ey den cualkier aspecto di su bida. Esaki ta sirbi manera un manera pa e persona keda motiva, specialmente ora nan ta bayendo door di un etapa dificil”.
4. Nan ta medita
10 minuut di meditacion ta hopi bon pa haci, esaki ta un manera fantastico pa relaha bo curpa y trankilisa bo mente.
5. Nan ta visualisa e exito di e dia siguiente
Hopi persona exitoso ta tuma un paar di minuut prome cu nan drumi pa visualisa un resultado positivo pa e proyectonan cu nan ta trahando riba dje.
