Un di e candidatanan cu ta rumbo pa conkista e corona di Miss Ecuador 2021, ta Victoria Salcedo di 23 aña di edad. E ta di Guayaquil y studiante di periodismo. El a converti den un famoso influencer trahando pa inclusion y cu e obhetivo di siña e sociedad pa ser mas empatico. Victoria a sufri un accidente hopi horibel tempo cu e tabatin 5 aña, ora el a mishi cu un kabel di voltahe halto, cu a resulta den e amputacion di su brasanan y un di su pianan. E ta uza un protesis solamente pa e pia drechi cu el a perde, y ta uza e otro pia na luga di tur e otro partinan di su curpa cu el a perde.
El a bisa den un entrevista recientemente, cu e accidente no a stop e di lucha pa su soñonan y ta sigui dilanti, pasobra ademas di su estudio di periodismo, e ta practica landamento y ta realisa cualkier actividad sin niun problema. Victoria Salcedo a splica cu loke ta mas dificil tabata pa adapta na e hendenan, cu hopi biaha ta wake mane menos, p’esey el a dedica na un poco di tur cos, cu yudansa di su pia drechi.
E ta encanta moda y estilismo, y incluso a participa den varios concurso. Na 2018 el a keda corona Reina de Loja, un ciudad ecuatoriano, y nombra Angel Nacional. E ta wordo considera como un berdadero simbolo di inspiracion pa e personanan di tur edad. E tin mas di 100k siguido riba Instagram y 260k riba TikTok, e plataformanan unda constantemente e ta comparti e mensahenan di positivism, y ta crea consciencia tocante e personanan cu tin handicap.
