E prinsnan, Harry y William, a laga nan propio diferencianan un banda, pa desvela un estatua como un monumento permanente di nan mama stima pa loke lo a bira su 60 cumpleaño, mientras cu centenar di hende cu a stima ‘People’s Princess’, a reuni den un vigilia pafo di Kensington Palace. E dos rumannan tabata cu lomba pa e camera momento cu nan a saca nan potret prome cu e desvelo di e estatua di prinses Diana, crea pa Ian Rank-Broadley y coloca den Sunken Garden, un luga di consuelo y siguridad pa e prinses prome cu el a muri na 1997.

E estatua ta mustra Diana cu su brasanan rond di dos mucha, cu tin como obhetivo pa refleha e afecto, elegancia y energia di Princess of Wales, ademas di su trabou y impacto cu e tabatin den tantisimo hende rond di mundo. E retrato y estilo di e vestuario presenta a ser basa den e periodo final di su bida ora el a gana confiansa den su rol como embahadora pa e causanan humanitario. E estatua tin como obhetivo pa transimiti prinses Diana su caracter y compasion. Bou di e estatua tin un pedestal graba cu e nomber di e prinses y fecha di e desvelacion.

LEAVE A REPLY

Please enter your comment!
Please enter your name here