E pareha superstar a bisa ‘SI’ diasabra durante un boda intimo na e ranch di Shelton na Oklahoma. Stefani a publica ayera un serie di potret romantico di nan enlace riba Instagram, skirbiendo, “dreams do come” y el a pone den e caption “I love you Blake Shelton,” y el a tag su casa den e post y despues el a repost e potretnan.
E potretnan di Gwen Stefani tabata mustra diferente momento di e bruid di dje y Blake Shelton, incluyendo un momento cu e bruidegom a hiba su bruid den un golf cart decora cu strik di twil blanco, mientras e tabata wanta su bouquet di rosa blanco den laira.
E pareha a comparti tambe un sunchi mientras nan tabata para dilanti nan bolo di bruid di 5 piso, cu un figura similar di e bruid y bruidegom bailando riba e top. Nan a pose tambe riba un klif cu bista riba e nuturalesa berde y shelo cu e splendor di e atardecer. Un di e otro potretnan publica riba stories di Instagram di Stefani, tabata mustra e pareha brasa bailando riba e pista di baile.
Stefani (51) a luci un shimis di georgette di seda blanco, cu un escote profundo den forma di curason, lomba abou, parti ariba fit na su curpa y saya di twil den capa di e diseñadora Vera Wang. El a mantene su cabey simpel, manda patras bou di su velo blanco largo, cu tabatin borda na man e nombernan di Stefani, Shelton y nan yiunan. Pa su makiyahe Gwen Stefani a opta pa un eyeliner scur y lipstick cora. El a complimenta su look cu armband oro, renchi briyante y un coyar di cruz.
