Pa tur e fiel siguidonan di Focus Digital Magazine cu a download nan edicion di juli, cu su highlight ta Salud – Beyesa – Bienestar, tin e oportunidad unico pa gana un pakete cu producto di CREST + ORAL-B. Pa participa mester djis skirbi dicon bo lo kier ‘try out’, CREST 3D Whitestrips Professional Effects AT-Home Teeth Whitening Kit, cu a sali publica den edicion di juli!
Ricibi un pakete completo di cuido oral di Crest y Oral-B hunto cu ne, ‘try it out’ y skirbi un review cu lo aparece den e siguiente edicion di Focus Digital Magazine!
Ganador lo wordo anuncia dia 17 di juli, 2021.
TIPS DI DENTISTA MARIELLE HO-KANG-YOU
‘Oral Care Hygiene’ ta sumamente importante y ta cuminsa na abo! Check out algun tips di Dentista Marielle Ho-Kang-You, kende a caba su estudio den Master of Science in Dentistry y awo ta practica na Tandartsenpraktijk M.E. Ho-Kang-You.
1. Haci’e un custumber pa bishita bo dentista 1 biaha pa aña y bo hygienista 2 biaha pa aña pa controla y haci limpiesa di e boca/djentenan. Preveni ta miho cu lamenta. Pa baby ta super importante pa bishita un dentista prome cu e cumpli su prome aña of asina e prome djente sali.
2. Uza un pasta cu ta contene fluoride, cual ta haci bo djentenan fuerte y ta yuda combati caries. Marielle ta uza Crest. E ta haya e sabor dushi y e ta laga su boca sinti fresco.
3. No uza un skeiro di djente mucho duro, ya cu e chens pa haci daño na e carni di djente ta bira grandi. Electric Brush tambe ta duna un bon resultado. Marielle ta uza e Oral-B Pro 5000, cual ta link na e Oral-B app y duna bo real-time feedback!
4. Limita e consumo di sucu. E bacteria den boca ta gusta sucu, y esaki ta causa caries.
5. Skeiro bo djentenan minimal 2 biaha pa dia.
6. Floss minimal 1 biaha pa dia, pa kita e plak, cuminda y bacteria entre e djentenan na unda e skeiro di djente no por yega, pa asina e djentenan no haya caries, e tandvlees haya gingivitis of e weso cu ta rondona e djente haya inflamacion, cual ta e causa di parodontitis.
