E strea di TikTok, Caitlyn Loane, cu a gana su popularidad compartiendo su bida como un agricultor hoben, a muri repentinamente ayera. Su tata a confirma morto di Caitlyn cu tabatin 19 aña y el a bisa cu e tabata un hoben bunita y loco, y un miembro ireemplasabel di nan famia. “E palabranan no por describi nos perdida”. E famia di Caitlyn no a comparti e causa di su morto. En cambio, su tata a bisa na prensa: “every day should be ‘R U OK?’ Day.”
“R U OK? Day” ta un dia di accion nacional na Australia, cual su obhetivo ta genera combersacionnan tocante salud mental y prevencion di suicidio. Caitlyn a haya un gran cantidad di siguidonan riba e plataforma di red social compartiendo su bida como un agricultor di Tasmania, siguiendo e pasonan di su tata. Su cuenta actualmente tin mas di 50.000 siguido y miles di hende ta sintonisa pa mira su videonan.
“Su sonrisa tabata ilumina un camber”, su mama a comenta. “E no tabatin miedo di susha su mannan, y riba algun potret e tabatin lodo te na su rudianan”. Ademas di agricultura, Caitlyn tambe tabata disfruta di futbol australiano di forma recreativo. Su ekipo, Devonport Football Club, a publica un comunicado riba nan pagina di Facebook, lamentando su morto.
