The Ritz-Carlton Spa, Aruba ta un spa di luho y e lugar perfecto pa desconecta y encontra bo zen den un oasis di relahamento. E spa manager ta Liandra Wout, cu tempo The Ritz-Carlton, Aruba a habri, a cuminsa como supervisor, despues el a bira asistente di e manager di e spa pa awo e ta ocupa e puesto di Spa Manager. Lia su experticio a dun’e oportunidad di a bay habri dos spa luhoso den dos luna di tempo, cu ta nan ‘sister properties’ na The St. Regis Bermuda Resort y The Ritz-Carlton, Turk & Caicos.
Na The Ritz-Carlton, Spa Aruba ademas di tin un menu extenso di diferente tratamento y tecnica sofistica, basa den e elementonan inspira door di nos natularesa, nan team ta enfoca pa crea e tratamentonan personalisa pa cada huesped. Depende di e ocasion, tanto e hende muhe como e hende homber, por personalisa e momentonan mas significativo den nan bida, sea ta celebrando bida, logro, cumpleaño, aniversario, honeymoon of un escape romantico.
Lia Wout ta orguyoso di su trayectoria profesional, cu ta un logro grandi p’e. Y ta bisa cu un dia mester sigura cu tin un balans harmonioso entre e 3 pilarnan: e team, e huespednan y e aspecto financiero, paso un no ta draai sin e otro. Pues cada pilar mester ricibi atencion tur dia. Por lesa mas di Liandra Wout den edicion di FOCUS Digital di juli, cu ta accesibel via Apple Store of Android Google Play Store, cu por download e aplicacion riba un smartphone of tablet.
