Mj Rodriguez, di 30 aña, a ser nomina pa actriz principal destaca den categoria di e serienan dramatico pa su interpretacion di Blanca Rodriguez-Evangelista den Pose. El a wordo reconoci hunto cu Jurnee Smollett (Lovecraft Country), Uzo Aduba (In Treatment), Emma Corrin (The Crown), Olivia Colman (The Crown) y Elisabeth Moss (The Handmaid’s Tale). E nominacion ta converti Rodriguez den e prome interprete abiertamente transgender, cu ta ser reconoci den un categoria di ‘lead acting’ pa Emmy Award.
E strea di Orange Is the New Black, Laverne Cox, na 2014 a bira e prome persona transgender cu a ser nomina den un categoria di actuacion, tempo cu el a ser reconoci como actriz invita destaca. (Despues el a keda nomina tres biaha mas den e categoria) Aña pasa, Rain Valdez di Razor Tongue tabata nomina como actriz sobresaliente den ‘short form comedy’ of serienan di drama.
Rodriguez su coprotagonista cisgender, Billy Porter, tambe a ser nomina como actor principal destaca den un serie dramatico por su papel den Pray Tell. Porter, di 51 aña, a ser nomina dos biaha prome y a gana na 2019, loke ta convertie den e prome homber color scur abiertamente gay den gana den e categoria. Pose tambe a ser nomina pa un serie dramatico sobresaliente despues di su tercer y ultimo temporada, cu a conclui 6 di juni. Rodriguez a comenta cu pa dispedi di Pose despues de tres temporada tabata ‘bittersweet’. E evento di 73 Emmy Awards lo ta live 19 di september via CBS & Paramount+.
