Despues di un temporada largo sperando pa bay bek gym door di e pandemia, e amantenan di e deporte aki por a bolbe na nan actividad fisico faborito. Pa probecha di e oportunidad pa realisa, Aruba National Bodybuilding Championship, cu mester a tuma luga 24 di juli na Cas di Cultura, awo e ta un siman despues dia 31 di juli na Cage Night Club. E atletanan, tanto e competidonan como esunnan cu no ta competido, lo tin e oportunidad di mustra nan avancenan di nan entrenamento fisico, a traves di ‘un actuacion liber’ dilanti e publico, nan amistad- y famianan.

E trofeonan di Exemplary Women of Aruba 2020

E atletanan no lo paga e derecho pa participa den The Muscle Festival 2021 manera e Federacion di Fisicoculturismo ta rekeri, ya cu e proposito di e evento aki ta, pa incentiva e atletanan pa proyecta sanamente di un manera sano y dibertido, sin lubida e impacto cu nan lo tin den e hobennan di e comunidad di Aruba. E otro obhetivonan di e festival ta pa conscientisa e poblacion di Aruba pa realisa deporte y asina baha considerablemente e fenomeno di obesidad masivo manifesta den e generacion jong riba e isla.

E deportistanan cu ta e competidonan lo tin e oportunidad di mustra nan curpa un biaha mas despues di  varios aña di preparacion fisico, mientras e atletanan NO competitivo den fitness tin e oportunidad di mustra nan progreso y talento.  No lo tin restriccion en conexion cu nan ‘staging’ y coreografía , ya cu e festival ta liber pa escogencia di vestuario, musica y concepto di nan schema cu lo dura entre 1:00 y 1:40 minuut.

The Muscle Festival 2021 lo otorga 5 premio unico:

1 & 2: Best Individual Show: Female and Male
3 & 4: Most Popular Athlete: Female and Male
5: Best Couple Show


Pa mas informacion tocante The Muscle Festival 2021 por tuma contacto cu Carlos  Centeno, Creador y Productor di e festival, ken ta disponibel como asesor tecnico y artistico pa e atletanan di forma gratuito.  Telefoon: 5610032

LEAVE A REPLY

Please enter your comment!
Please enter your name here