![](https://focus.aw/wp-content/uploads/2021/08/REGLANAN-DI-ETIQUETTE-1.jpeg)
Etiquette no ta trata djis solamente tocante e forki cu bo ta uza. E ta pa mustra respet pa bo mes y tur otro hende den bo skina chikito riba e planeta. Riba un mundo unda hopi biaha mal manera ta reina, pakico no resalta pa ser beleefd y atento? Bo ni sikiera mester bay un ‘charm school’ of wak The Crown pa siña e reglanan. Aki tin e maneranan mas facil pa comparti mas amabilidad y menos amargura.
![](https://focus.aw/wp-content/uploads/2021/08/REGLANAN-1-240x300.jpeg)
Bisa ‘Please’ y ‘Danki’
Specialmente na e hendenan den bo cercania
![](https://focus.aw/wp-content/uploads/2021/08/REGLANAN-2-683x1024.jpeg)
Wanta e porta pa e persona cu ta tras di bo
Y si un hende habri e porta pa bo, semper bise ‘danki’
![](https://focus.aw/wp-content/uploads/2021/08/REGLANAN-3.jpeg)
Sali pafo pa contesta e yamadanan telefonico
Tin biaha bo mester atende e yamada, pero semper e ta asina importante? Ademas, e no ta asina dibertido pa scucha bo combersacion, ora ta para bo tras den un rij
![](https://focus.aw/wp-content/uploads/2021/08/REGLANAN-4.jpeg)
Mira e persona cu ta papiando cu bo
Seriamente. Hisa bo cara for di bo smartphone!
![](https://focus.aw/wp-content/uploads/2021/08/REGLANAN-5.jpg)
Laga un hende pasa bo dilanti den e rij
Nos ta sigura bo, esaki ta bay alegra su dia
![](https://focus.aw/wp-content/uploads/2021/08/REGLANAN-6-1024x576.jpeg)
Tosa of nister den elleboog
E temporada dificil cu nos ta bibando di Covid-19, sigura bo mes pa haci tur loke ta na bo alcance pa evita e propagacion di virus
![](https://focus.aw/wp-content/uploads/2021/08/REGLANAN-7.jpg)
Siña e nomber di e hendenan
Ripiti e nomber di e persona cu bo a caba di conoce, ta un forma pa yuda corda su nomber
![](https://focus.aw/wp-content/uploads/2021/08/REGLANAN-8-816x1024.jpeg)
Scirbi nota di gradicimento
E persona cu a tuma su tempo pa manda bo un regalo, tuma e tempo pa demostra bo aprecio
![](https://focus.aw/wp-content/uploads/2021/08/REGLANAN-9.jpg)
Warda bo Smartphone durante cu bo ta comiendo
Segun un investigacion, cu e uzo di telefoon na e luganan incorecto por stroba nos di disfruta di e interaccionnan social den e bida real
![](https://focus.aw/wp-content/uploads/2021/08/REGLANAN-10-808x1024.jpeg)
Yega na tempo
Nos tur ta ocupa, asina ta stop di laga hende keda warda riba bo
![](https://focus.aw/wp-content/uploads/2021/08/REGLANAN-11.jpg)
Limpia e sushi cu bo mascota laga atras
Ta simplemente desagradabel pa laga esaki
![](https://focus.aw/wp-content/uploads/2021/08/REGLANAN-12.jpg)
Semper RSVP
Y haci esaki mesora prome cu bo lubida
![](https://focus.aw/wp-content/uploads/2021/08/REGLANAN-13-1024x652.jpg)
Puntra prome cu Post
No ta tur hende gusta nan bida gespart riba e rednan social, y si bo no ta un reportero, anto stop di plama noticia
![](https://focus.aw/wp-content/uploads/2021/08/REGLANAN-14.jpg)
Vocabulario vulgar
E ta statisface cierto tipo di hende pa papia mahos y vulgar kibrando hende en bes di elogia nan.
![](https://focus.aw/wp-content/uploads/2021/08/REGLANAN-15.jpg)
Mantene lawaai na trabou abou
Pone bo smartphone na silent, papia cu stem abou y baha e zonido di e ring di bo email, asina e no ta molestia e otro coleganan
![](https://focus.aw/wp-content/uploads/2021/08/REGLANAN-16.jpg)
Shake hands cu firmeza
Bo ta para y haci ‘eye contact’ mientras bo ta haci esaki