Awe e reina di musica pop, Madonna, ta celebrando su 63 cumpleaño compartiendo potretnan di un get-together amoroso hunto cu su pareha, Ahlamalik Williams, su seis yiunan y amigonan cercano. “Let the Birthday Games Begin………… ?????✨?”, el a skirbi como caption pa un carousel di potret riba su Instagram, cuminsando cu un potret di e cantante luciendo un shimis sky blue y su cabey blond caracteristico (bleached), sigui pa un potret unda e ta pose pa e camera mientras e ta lembe un ijscream den un cone hunto cu su guy di 27 aña, cu tin su man poni riba e pia di e cantante.
Madonna a comparti potret tambe unda e ta brasando su yiu homber Rocco Ritchie (21) y su yiu muhe Lourdes (24). El a post tambe un bunita potret di su yiu muhenan chikito: Estere y Stelle Ciccone cu tin 8 aña hunto cu dos amigo, y un potret di dje cu e yiu di su ex-pareha Guy, David Banda (15) cu tin un flor den su boca y un cadena di perla na su garganta.
E celebracion di cumpleaño di Madonna ta yega hunto cu e anuncio di un colaboracion cu Warner Music Group, cu awo ta responsabel di tur e catalogo di musica graba, mientras cu Warner Chappel Music lo bay administra su ‘songwriting’. E celebracion di 63 aña di Madonna ta tambe net prome cu e lansamento di su documental MADAME X, cu lo ser transmiti na Paramount + desde 8 di october.
