E palabra ‘toxico’ tin hopi banda, specialmente desde cu realmente a cuminsa atende cu abuso emocional. Toxico ta significa loke semper el a significa; un sustancia venenoso cu ta daña y destrui. E personanan toxico tin mesun efecto. A traves di nan comportacion di menosprecio y tendencia dramatico, e ta un peliger pa nos salud fisico y mental. Bisando esaki, e no ta semper facil pa identifica nan. Scondi tras di un masker agradabel y comportacion servicial, e personanan toxico por haci loke nan kier sin wordo detecta.
Sinembargo si nos conoce e señalnan di un persona toxico, nos por mantene nan unda nan ta pertenece, den nos pasado:
1. NAN NO POR PIDI DISCULPA
Pidi disculpa y acepta ora nos haci fout ta un di e cosnan mas importante cu nos por haci den un relacion. Acepta e responsabilidad di e erornan cu a haci y cu ta afecta otro hende, ta un contribucion empatico cu nos sernan keri merece. Pero nos tambe merece esey ora nan lastima nos. E personanan toxico no por of no kier disculpa pa nan accionnan, actuando manera cu e no a haci nada malo of manera si nos ta exagerando. Nan orguyo y insiguridad no ta permiti nan admiti cu nan tabata ekiboca. Pa e personanan toxico, nada y niun hende ta mas importante cu nan orguyo y pidi disculpa no ta un opcion.
2. NAN TA DESTRUI BO CONFIANSA
Pa e personanan toxico sinti bon cu nan mes, nan mester laga e otro hendenan sinti malo. E personanan toxico ta esunnan mas insigur, y cu nan orguyo y imagen, cu ta e cosnan mas importante den nan bida, nan ta haci cualkier cos pa proteha esaki. Pa haci esaki, e personanan mas cercano di nan ta sufri, pasobra e personanan toxico mester tin influencia riba tur hende. Confiansa den nan mes siguridad y respet pa nan mes. Asina e lista ta sigui… Atacando e confiansa den e hendenan cu ta rond di nan ta un wega dibertido pa e personanan toxico, pero tin un proposito mas grandi: sigura cu nan ta sinti miho cu nan mes.
3. TA DISFRUTA DI BO LUCHANAN
Mientras cu superficialmente e personanan toxico por parce comprensivo, den secreto nan ta disfruta di cada dificultad cu otro hende ta pasando aden. Si e cosnan no ta bay bon pa e hendenan cu ta rond di nan, nan ta sinti miho cu nan propio bida den comparacion, y lo ta un lastima pa kita e impulso di ego for di nan. E señal aki di alerta no ta asina facil pa detecta door di e supuesto simpatia, cu e personanan toxico aki ta expresa, pero ta probabel cu nan ta sugeri solucionnan cu realmente ta haci e cosnan pio pa e otro persona. Si ta sospecha di sabotahe, nos mester bisa ayo na e hendenan aki den nos spiel ‘retrovisor’.
4. NAN NO TIN EMPATIA
Pa ora cu nos ta adulto, sea nos tin empatia of nos no tine. E personanan toxico tin poco of niun experencia cu empatia, y incluso den nos momentonan mas scur ora nos ta desespera pa yudansa, nan por mira nos cu un sonrisa complaciente na luga di ofrece un man. Incapaz y/of no dispuesto pa comparti e emocionnan importante di nan sernan mas cercano, e personanan toxico hopi biaha no tin e capacidad pa stima.
E falta di empatia no solamente ta haci e relacion dificil cu e personanan toxico, sino tambe ta haci cu e ta peligroso pa nos salud mental. Nos gusta of no, nos mester pa nos sentimentonan tin validez de bes en cuando pa esunnan mas cercano na nos, y sin empatia, un persona toxico no por of no ta permiti pa nos haci esaki. Tin biaha pasobra nan ta incapaz, y otro biaha pasobra otro hende su miseria ta sirbi un proposito pa nan.
