Teigen a publica diasabra un video riba su Instagram hunto cu su yiu muhe, Luna, y yiu homber, Miles, pa comparti cu e tin 50 dia sobrio. E yiunan tabata rond di dje mientras e ta purba di haci ehercicio riba un mat. El a skirbi cu mester tabata casi un aña, pero cu e tabatin algun contratiempo (di biña) na caminda. Esaki ta su ‘streak’ mas largo te cu awo. Ainda e no sa cu e lo bolbe bebe bek, pero e sa cu ya e no ta sirbie den NIUN manera.
E no ta diberti mas, e no ta baila y no ta relaha. E ta bira malo, drumi y ta spierta malo, despues di a perde loke probablemente tabata un anochi dibertido. E tabatin hopi diberticion y ta aprecia tur esunnan cu ta disfruta di un manera responsabel. El a agrega cu esey ta su di tres dia den siman haciendo ehercicio, cu no ta usual p’e. Su post a ser ricibi cu amor y apoyo den e seccion di comentario, cu a inclui tambe su casa John Legend, cu a contesta cu un serie di emojis di curason cora. “I love u”, su amiga Jen Atkin a comenta, mientras cu Brooklyn Decker a skirbi: “That takes guts”.
