Ora bo tin un dagboek e ta yuda mantene bo den presente mientras e ta alinea bo perspectiva.
Journaling ta algo cu tin hopi beneficio pa bo salud. Aki tin 3 beneficio di tin un dagboek
1 Reduci Stress
Un abundancia di stress por daña un persona su salud fisico, mental y emocional. Journaling ta un ‘stress management tool’ cu ta yuda minimalisa e impacto di stress riba bo salud. Un estudio a mustra cu e personanan cu a skirbi den un dagboek pa 15 minuut den nan tempo liber tabatin e presion di nan sanger abou. Ora bo skirbi di bo experiencianan cu ta causante di stress, e por yuda bo maneha bo emocionnan den un manera mas saludabel.
2 E ta ‘boost’ bo mood
Skirbiendo den un dagboek por yuda mehora bo estado di animo y brinda bo un sensacion di bienestar emocional y felicidad en general. Ora bo skirbi e ta yuda bo celebro regula bo emocionnan sin cu bo sa, door cu bo ta nota bo sentimentonan, e ta yuda bo mente pa supera e trastorno emocional cu por haci cu bo ta sinti mas feliz.
3 Ta fortalece e funcionnan emocional
Ora un persona ta desaroya e habito di skirbi den nan dagboek, e beneficionan ta bira a largo plazo. Esaki kiermen e ta bay den harmonia cu su salud door di conecta cu su necesidad- y deseonan interno. Teniendo un dagboek ta yuda un persona pa practica ‘mindfulness’ y ta mas presente den nan bida diario, tambe esaki ta presenta un oportunidad pa e persona libera su mes di su emocionnan negativo.
