Impulsa pa e buskeda di compronde e textura di su propio identidad personal y cultural den e diaspora africano, filtra a traves di e super structuranan di su experencia Mericano, e arista Basil Kincaid (1986, St. Louis, Missouri) ta estrena un grupo nobo di obra na e cede di Milán di Galleria Poggiali, cu su prome exposicion individual italiano titula Rolling Fields to My House.
A traves di collage, fotografia, instalacion, presentacion, y specialmente e tecnica di ‘quilting’, elabora cu material haya, recupera of di donacion – Basil Kincaid ta cuestiona e practicanan social mientras e ta diseña e tehidonan cultural alternativo. Inventividad y libertad di imaginacion ta surgi manera e componentenan critico den e liberacion di e alma. Activando e espacionan pa participa den e liberacion comparti na escala global.
Den tur su obranan, Basil ta focus con luga ta forma nos perspectiva, nocion di pertenencia y e forma con ta percibi esaki. Su obranan ta traha di e materialnan cu el a haya of a ser entrega como donacion, tin un significacion emocional grandi pa esunnan cu a yega di disfruta di nan. E tecnica di ‘quilting’ tin un historia largo den su famia durante di 7 generacion. Den e tradicion cultural di e hendenan color scur, esaki semper a sirbi como un espacio revolucionario di alegria y curashi. Basil Kincaid lo ta entre e artistanan selecciona pa Yinka Shonibare pa e exposicion di zomer na Royal Academy of Arts di Londen titula ‘Reclaiming Magic’ cu ta for di 22 di september 2021.
