Marc Anthony, ex di Jennifer Lopez y tata di su morochonan, ta un di e streanan cu a domina riba e red carpet di Billboard Latin Music Awards 2021. E cantante a haci su entrada sorpresa cu su pareha nobo, Madu Nicola, y e tabata mustra feliz disfrutando di e evento. Den e ultimo lunanan e cantante tabata wordo vincula cu diferente modelo, pero finalmente el a presenta su amor nobo.
E cantante di ‘Vivir mi vida’ y su misterioso compañera a luci outfit cu ta combina, Marc Anthony cu un camisa blanco y carson preto, mientras Madu Nicola a luci un shimis preto strapless. E pareha tabata hopi sonriente dilanti e fotografonan y incluso a intercambia sunchi cu otro.
E cantante y su chick a comparti asiento den mesun fila algun paso di e stage den Watsco Center, unda despues di algun presentacion, a toca e turno di Mark Anthony. El a canta “Pa’lla Voy” pa prome biaha na television. Te cu awo no tin hopi detaye di compañera di Marc Anthony, pero su fans ta emociona pa sa mas di Madu Nicola y con el a capta su curason.
Esun cu a revela e identidad di Madu Nicola, ta e makiyador Jamie Harper, ken a keda encarga como e estilista di e pareha nobo di Mark pa un anochi asina special. E ultimo relacion formal di Marc Anthony tabata cu e modelo venezolano, Shannon De Lima, cu ken el a casa na 2014 y a divorcia na 2017.
