Gloria Estefan a revela cu el a wordo abusa sexualmente pa un miembro di e famia ora e tabatin solamente nuebe aña, y ta corda con e abusado a menasa cu e ta mata su mama, si e lo bay conta hende. E artista pa prome biaha a papia publicamente tocante e abuso, y e impacto teribel cu e tabatin riba dje, durante un episodio di e programa via Facebook Watch Red Table Talk: The Estefans. Gloria no a menciona e nomber di e familiar, pero a revela cu e abuso a tuma luga mientras e tabata asisti na un scol di musica dirigi pa su atacante, cu a gana e confiansa di su mama elogiando su talento. El a corda con e tabata purba stop e atakenan, bisando cu esaki no por pasa, cu e no por haci esaki, y loke el a haya di contesta tabata cu si e papia di e abuso, e lo mata su mama.
“E tabata famia, pero no un famia cercano”, Gloria a bisa. E abusado tabata den un posicion di poder pasobra e mama a pone na un scol di musica y inmediatamente el a cuminsa bise con talentoso Gloria tabata y cu e mester atencion special, y el a sintie afortuna cu e tabata enfoca riba e tipo di atencion aki pa su yiu muhe. Sinta na e mesa rondo cora cu su co-hosts, su yiu muhe Emily Estefan (26) y su subrina Lili (54), Gloria bisa abiertamente cu 93 porciento di e muchanan abusa conoce y ta confia den nan abusadonan, e sa paso e tabata uno di nan.
