E modelo, compositora pop y ex-miss, Kirsty Bertarelli di 50 aña, a divorcia den secreto di su casa multimiyonario Ernesto. E noticia lo a sorprende hopi, ya cu niun hende tabata sa cu e matrimonio di 21 aña di e pareha tabata bay malo. “Ta cu tristesa Ernesto y Kirsty Bertarelli, cu tin tres yiu ta confirma cu nan a divorcia”, segun Daily Mail.
Nan tabata hunto na puesto 14 riba Sunday Times Rich List e aña aki, cu un fortuna asombroso di £ 9.2 biyon. E pareha a nenga di discuti e suma di e pago di Mrs. Bertarelli, pero segun Daily Mail cu Ex-Miss United Kingdom, naci na Staffordshire, a yega na un acuerdo pa acepta £ 350 miyon. Esey ta haci cu el a converti den e muhe divorcia Britanico mas rico den e historia legal. E fortuna personal di e Reina mes ta calcula na alrededor di £ 365 miyon.
Mrs. Bertarelli ta awo mas rico cu supestars manera Sir Mick Jagger, cu ta ser bisa cu tin un balor di £ 310 miyon, Ed Sheeran (£ 220 miyon) y Adele (£ 140 miyon). Ademas di su settlement, el a haya un cas moderno y espectacular na Lake Geneva na Suiza, cumpra e aña aki pa £ 52 miyon. E tin tambe un chalet di £ 8 miyon na un ski resort na Gstaad, Suiza.
