Awendia Rosa van der Biezen ta wak bida completamente diferente. Locual e por, e ta haci y disfruta awo, pasobra e no sa si tin mayan. Bibando dia pa dia cu fe den Señor desde 2007, cu el a wordo diagnostica cu cancer. Sinembargo e no kier a profundisa den Focus Digital Magazine di october, contando riba e etapa dificil, cu el a enfrenta y sobrevivi. Rosa ta desea di refleha con pa biba mas largo posibel despues di cancer, y di e segundo oportunidad cu Dios a dune.

Rosa ta conta con despues cu el a haya cancer di pecho 14 aña pasa, el a haci e prome ‘gastric bypass’. E mester a haci esaki pa evita di haya un ‘metastase’, sinembargo 2 aña despues a resulta cu e tabatin un tumor den su stoma. Na aña 2019 el a bay Colombia y e ta agradecido na Dios, cu e tumor cu a sali no tabata maligno. Na Aruba el a bolbe opera su stoma, haci un otro tipo di gastric bypass pa e no mishi cu e tumor. Nan a saca e stoma cu a traha prome cu e tumor den dje, y traha un otro stoma di nobo.

Rosa a baha di 160 Kilo pa 69 y e no tin miedo di bisa tur loke el a haci pa sinti y mustra miho, pero cu tristesa e ta conta cu e cirugia estetico no tabata esun di mas bunita y exitoso. Esaki a haci un impacto grandi den su bida personal, tanto fisicamente como mentalmente. Lesa e entrevista completo di Rosa van der Biezen den Focus Digital Magazine, cu ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet. For di e awo october e revista ta tambe accesibel riba www.focus.aw

LEAVE A REPLY

Please enter your comment!
Please enter your name here