E escritor y ceramista, Briana Feigon, ta spierta, respira y soña cu ceramica. E ta forma parti di e ekipo di archidigest.com, un website cu tin un cobertura amplio di e mundo di diseño interior y arkitectura. Despues di hopi aña di namoramento, el a yega na asocia e diferente estilonan di e obhetonan decorativo den ceramica y klei, cu cierto tipo di personalidad.
Den edicion di Focus Digital Magazine di october cu manera tur aña ta highlight Home Trends, por lesa mas tocante e asociacion entre e obhetonan, cu ta forma parti di e decoracion y su doño. For di amante di naturalesa te na e rebelde sin causa, tur ta refleha den e forma, color y estilo di e obhetonan decorativo den nos cas.
Focus Digital Magazine ta accesibel ‘gratis’ via Apple Store of Android Google Play Store, y por download e aplicacion riba un smartphone of tablet. For di e luna aki tambe e revista ta accesibel riba www.focus.aw (Click e tab FOCUS DIGITAL riba e menu).
