Den edicion di Focus Digital Magazine di october cu manera tur aña ta highlight Home Trends, por haya tur locual ta e tendencianan di decoracion pa cas pa 2022. For di e textura- suave, e tono- tera dof y e formanan sin definicion, ta e tendencianan texil pa cas pa otro aña. Desde e murayanan blauw marino te na wallpaper floral y camanan cu 4 pilar, ta existi e solucionnan util y inespera pa haci bo hogar mustra elegante y cozy.
Nos sa cu moda ta bin bek y esaki no ta aplica solamente pa paña. E diseñadornan di interior ta opta cada biaha mas ‘Vintage Accents’ den decoracion interior. Si ora bo lesa ‘wallpaper floral’ bo ta sinti inconfortabel, no rush drenta den panico, pasobra kisas 2022 ta obliga bo cambia di idea.
Si bo tabata kier verf bo cas preto durante basta tempo caba, awo cu e tendencia di ‘decor contrast’ ta e momento. Pero claro cu moderacion. E cashinan blanco tabata e tendencia, pero awo e diseñadornan a bira nan atencion na ‘cabinet di color’ cu ta bay mas leu cu e limite.
Si semper bo a soña cu un king size bed – e ora a yega! E ‘camanan di 4 pilar’ moderno cu cuater pilar no ta cubri mas cu e telanan pisa of headboards masivo. E matanan berde den interior semper ta mustra ventahoso, p’esey e diseñadornan a sugeri pa bolbe na e ‘raiznan’ y recorda e mitonan di Grecia Antiguo y e principal simbolo di e epoca ey cu ta e mata di ‘olijfi’.
Por haya mas detaye di tur loke ta Home Trends 2022 den Focus Digital Magazine, cu ta accesibel ‘gratis’ via Apple Store of Android Google Play Store, y por download e aplicacion riba un smartphone of tablet. For di e luna aki tambe e revista ta accesibel riba www.focus.aw (Click e tab FOCUS DIGITAL riba e menu).
Fuente: New Decor Trends
