E temporada bibando na Aruba pa Giorgina Jones Martinus ta yena cu e recuerdonan inolvidabel, unda desde chikito el a cuminsa demostra su talentonan artistico. Cu su 10 aña di edad, su mayornan a inscribi su nomber pa e forma parti di un grupo di baile. Cu bailamento e por expresa su emocionnan den tur manera sin necesidad di palabra, y tambe por incorpora actuacion y modelahe. Aunke no tabata su experencia riba stage como bailarina tabata loke a inspira Giorgina pa participa na eleccion di Reina di Carnaval na 2011.
Actualmente Giorgina ta bibando feliz na New York hunto cu su casa David Jones, cu el a conoce na Aruba durante un encuentro no planea. E aña venidero e programa ‘Formula Musical’ lo cumpli su prome aniversario, unda Giorgina a debuta como locutora na NBC News Radio. Como actriz su rol den e pelicula ‘Ahora o nunca?’, tabata como e miho amiga di e protagonista. Como modelo e ta bisa cu e confiansa cu e arte aki por genera den bo como persona ta increibel. Mientras cu p’e baile ta tur cos y lo sigui baila te dia Dios dune forsa pa por haci esaki.
Por lesa mas detaye den e entrevista cu Giorgina Jones Martinus den edicion di Focus Digital Magazine di november, cu ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet. E revista ta accesibel tambe via www.focus.aw (Click e tab FOCUS DIGITAL riba e menu).
