E escritora, astrologa y animal lover, Yakari Gabriel, tin un articulo hopi interesante tocante e tema aki: ‘Ora bo ta Stima Bestia, Bo ta Sirbi un Energia Divino’, den edicion di Focus Digital Magazine di e luna aki. Un gran filosofo a bisa un biaha, cu semper bo por husga con avansa un sociedad ta pa medio di observa con e ta trata su animalnan. Mescos cu mucha, e bestianan ta indefenso y ta conta solamente riba e bondad di nos, cu ta scoge pa stima nan.
E unico cos cu ta diferencia e ser humano di bestia ta e hecho, cu nos por sinti compasion pa otro y den nan caso, compasion no ta importa mucho si nan ta haya nan mes den un situacion, unda nan tin cu scoge pa sobrevivi. Den e creencia di Astrologia Hindu, e cacho- y pushinan tin atributonan spiritual asigna na nan… bo tabata sa esey? Nan ta pensa cu e cachonan ta bin di e nodo sur di e luna mientras cu e pushinan ta bin di e nodo norte.
E nodonan di e luna ta calculacionnan matematico den shelo, unda e eclipsenan ta crusa otro. Nan ta e fuentenan di energia, ya cu nan ta representa di unda nos ta bin y unda nos ta bay. Lesa precies kico Yakari Gabriel kiermen, cu ‘Ora bo ta Stima Bestia, Bo ta Sirbi un Energia Divino’, den Focus Digital Magazine, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL).
