Den honor awe na Valentine’s Day, Michael Douglas y Catherine Zeta-Jones, un pareha cu ta casa ya pa 21 aña, a haci algun post hopi sweet na cada uno riba nan rednan social. Prome di a comparti un snapshot di un areglo floral ros regalo di su esposo di 77 aña, e actriz a publica un throwback di nan dos durante un biahe na India.

“Happy Valentine’s Day to my honey! Love you ❤️”, Zeta-Jones (52) a skirbi den e caption. Di su banda Douglas a skirbi: “Happy Valentine’s Day to my darling Catherine! I love you always and forever ❤️”. Hunto cu e caption el a scoge un potret glamuroso di nan dos, unda nan ta brasa otro, bou di caul Zeta-Jones a comenta: “😘😘😘😘😘😘😘.”

Michael Douglas y Catherine Zeta-Jones a cumpli 21 aña casa na november y pa recorda e fecha aki, e actor di Kominsky Method a comparti un video memorabel dia nan a casa. Den un entrevista cu WSJ. Magazine, Zeta-Jones a bisa cu e secreto pa nan matrimonio ta duradero ta door di diberti hopi hunto. Tambe el a comparti cu amor y respet constante, y mantene ‘sense of humor’ ta e clavenan pa e exito matrimonial. 

LEAVE A REPLY

Please enter your comment!
Please enter your name here