Dorian Crespo Gómez ta di Ecuador, bibando pa 12 aña caba na Boneiro, unda como stranhero e tabata hopi dificil pa crea e marca, Tropical Nature, pasobra Dorian no tabata papia e idiomanan di Boneiro, y e kier a expresa tur su ideanan claramente. Esey tabata na prome luga e cos mas dificil, mientras e otro tabata cu e no tabatin suficiente fondo pa crea su marca.
Sinembargo e ta kere cu ora bo haci algo di curason y bo sa cu ta esey ta loke bo kier haci, bo ta haya e manera pa haci esaki. El a recicla boter di glas di cuminda pa baby y asina el a cuminsa bende su productonan. Su ruman muhe cu ta diseñador grafico tabata haci tur diseño y nan a cuminsa haci publicidad riba e rednan social di e productonan,
Tropical Nature tin 8 aña di existencia y ta un linea di producto hopi varia for di cual mayoria ta vegan. Ora Dorian pensa con el a cuminsa y unda e ta awe, su wowo ta yena cu lagrima, pasobra e mes por wak con el a evoluciona cu su marca. E kier motivia specialmente e hende muhenan cu tin hopi talento warda y tin miedo pa saca afo, pa nan no keda keto y comodo den e situacion cu nan ta actualmente.
Lesa e entrevista inspirativo di Dorian Crespo Gómez den edicion di Focus Digital Magazine di februari, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
