Kim a urgi corte pa acelera su divorcio, bisando cu esaki lo yuda Kanye West acepta cu nan matrimonio a caba. Kim a pidi divorcio aña pasa despues di lunanan di e rumornan di e problemanan den nan relacion. Esaki tambe tabata durante e tempo cu e rapper, Kanye West, tabata enfrentando su problemanan di salud mental.
Kanye a enfrenta e separacion na un manera hopi publico, incluso el a haci postnan riba su rednan social rogando Kim pa nan haci bon bek. Diaranson Kim a skirbi den un declaracion“: Mi ta realmente desea di ta divorcia”. El a skirbi cu el a pidi Kanye pa e mantene nan divorcio priva, pero e no a hacie. E ta kere si corte termina nan matrimonio, esaki lo yuda Kanye acepta cu nan matrimonio a caba y cu e mester sigui dilanti den un miho rumbo, cu ta permiti nan cria nan yiunan hunto. E pareha tin cuater yiu: North (8), Saint (6), Chicago (4) y Psalm (2).
Kim y Kanye a cuminsa sali cu otro na 2012 y nan a casa durante un ceremonia luhoso na Italia despues di dos aña. Den poco tempo nan a converti den un di e parehanan mas conoci rond di mundo. Pero den nan union nan a enfrenta hopi turbulencia, cu rumor di explosionnan temperamental di e rapper, cu ta sufri di desorden bipolar. Kim Kardashain a declara cu aunke e tabata desea cu nan matrimonio ta exitoso, el a yega na e conclusion cu no tin forma di drecha nan relacion mas. Segun Kim cu Kanye no ta di acuerdo, pero a lo menos ta parce cu el a compronde cu e kier finalisa nan matrimonio, aunke e no kier esey.
