E Hadid ‘sisters’ a modela na Versace’s Fall 2022 show durante Milan Fashion Week diabierna, unda ambos a cana manera un pauwies riba e pasarela cu nan wenkbrauw gebleach. Pa e show Gigi a bisti un corset velvet cora cu boots y handschoen di latex cu ta combina. El a complimenta e look cu un tas cora. Mientras su ruman Bella, a luci un look cora similar, pero cu tabata mas cortico y tabatin manga largo.

E rumanan Hadid, nan participacion na e desfile di Versace a surgi, ora cu e par a uni cu Donatella Versace pa e marca su ultimo campaña. Gigi (26) y Bella (25), cu ta ‘regulars’ na e desfilenan di moda di Versace pa ya hopi tempo, a pose cu Donatella Versace na e ‘Womens Spring Campaign’. Donatella a bisa: “Famia semper ta e focus di tur cos cu mi ta haci, p’esey mi ta stima Bella y Gigi asina hopi. Nan ta un ehempel perfecto di e forsa entre ruman y nan ta comparti e mensahe na nos Versace ‘sisterhood’ full rond mundo”.

Donatella, cu ta e director creativo di e marca a bisa, cu e tabata kier pa e campaña ta ‘un brasa  caluroso pa e famia Versace globalmente na e comienso di 2022’. Gigi y Bella recien ta trahando duro hunto. E rumannan a modela pa Michael Kors na New York, tambe pa Moschino, Tod’s y Max Mara na Milan, prome cu nan a bay pa Versace’s Fall 2022.

LEAVE A REPLY

Please enter your comment!
Please enter your name here