Su mayor cualidad ta hidrata, pero loke ta sorprendente ta su versatilidad, ya cu e mesun producto aki por pone nos logra mehoria den cuero, huña y cabey.
- Barera protector. Ora tin kemadura of iritacion por uz’e riba e zona afecta, pa evita cu e iritacion persisti y na mesun momento ta acelera e recuperacion.
- Humecta y repara e lipnan. Ta un bon aliado pa combati secamento. Tambe ta sirbi pa exfolia. Mester pasa un capa di vaseline solido y despues freg’e cu un skeiro suave pa elimina e cuero morto.
- Mehora wimpers. Ta aplica un capa di vaseline cu ayudo di un skeiro limpi riba e linea di crecemento y riba cada un di e wimpernan pa cubrie bon, creando un efecto optico di wimpers mas largo y diki. Por aplic’e anochi como tratamento of mainta si no ta uza make-up pa logra un look mas natural.
- Humecta huña y cuticula. Hidrata huña y ta hacie mas flexibel y menos vunerabel pa kibra. Den e caso di cuticula, e ta humect’e y ta lag’e mas suave p’e ta mas facil pa corta.
- Suaviza elleboog, rudia y hilchi di pia. Mester aplic’e tur dia, preferibel anochi, Door di su poder hidratante ta mehora notoriamente e rugosidad y queratosis den e zonanan aki.
- Controla e puntanan kibra. Ta aplica un cantidad chikito na e puntanan di cabey pa debolbe briyo y suavidad.
- Post tattoo y depilacion. Ambos procedimento ta un agresion di cuero y den e casonan aki, vaseline ta hopi bon ya cu e ta produci un barera protector cu ta hidrata y na mesun momento ta disminui e iritacion.
- Por uz’e como azeta pa masashi.
- Ta mehora e fihacion di perfume na momento cu uz’e como base riba bo cuero.
- Ta acelera e proceso di cicatrizacion.
- Ta duna briyo na e obheto- of acesorionan di cuero.
