Despues di e rumornnan cu tabata mustra cu Marc Anthony ta den un relacion sentimental, e mesun cantante puertorriqueño a confirma, cu el a dicidi di duna su mes un oportunidad nobo den amor cu Nadia Ferreira, Miss Paraguay 2021 y 1st Runner Up di Miss Universe 2021. E famoso salsero a comparti ayera un potret hunto cu Nadia di 22 aña, a traves di su Instagram, mustrando con namora nan ta mustra.
E potret cu Marc Anthony a comparti ta mustra cu e ta hunto cu e reina hoben di beyesa den un avion. Hunto cu e potret e cantante a agrega e frase: “Que Dios les multiplique todo lo que ustedes nos desean”. E modelo y miss a comenta riba e post di e interprete e frase: “Así siempre”. Algun ora despues, Nadia Ferreira a comparti riba su Instagram e momentonan tierno cu e cantante a dedica na dje durante e concierto na Los Angeles como parti di su gira di concierto Opus Tour 2022.
E rumornan tocante e romance di e dos famosonan aki a sali den publicidad na un fiesta griego celebra algun siman pasa, unda ambos ademas di a kibra tayo riba vloer, a sunchi otro den boca, sinembargo, tabata te recientemente cu e cantante a confirma su romance cu e modelo. Nadia Ferreira a gana reconocimento internacional door di su participacion na Miss Universo 2021.
Entre e cantante Marc Anthony y Nadia Ferreira tin un diferencia di edad di 31 aña, pues e modelo tin apenas 22 aña y e cantante 53 aña. Sinembargo, nos por mira cu e celebridadnan ta demostra un biaha mas cu pa amor no ta existi edad.
