E superstar di musica a comparti e noticia di su compromiso riba su On the JLo newsletter diabierna ultimo, cu un video di su piedra berde, coloca riba un band plata. Jennifer Lopez a bay den detaye con e color tin un significicacion special p’e. “Semper mi ta bisa cu e color berde ta mi color di suerte,” Lopez (52) a yega di skirbi, señalando e shimis berde iconico di Versace cu jungle-print cu el a bisti pa Grammys na 2000. “Mi a ripara cu tin hopi momento den mi bida unda cosnan increibel a pasa ora mi tabata bisti den berde”.
JLo a sigui conta cu e no ta cumpra hopi arte, pero el a cumpra esun di Hummingbirds paso pa di prome e ta gusta nan, y di dos paso e ta gusta e color berde. E parhanan semper ta bula rond di dje, y semper e tabatin un conexion special cu Hummingbirds. El a ripara cu hopi hende ta bisa cu e ta simbolisa amor, y unda cu e bay nan ta sigui’e. Cada biaha cu e ta den un momento di duda y confusion, un ta aparece magicamente na su bentana, pa record’e cu universo semper ta papia cu nos, si nos ta habri pa e señalnan. Su asociacion entre e color berde y suerte tabata un di señalnan, y JLo a revela cu el a siña cu ‘no tin concidencianan’ den bida.
Algun dia prome cu e anuncio di su compromiso, a capta un potret di Jennifer Lopez luciendo e renchi di compromiso na su dede. Su ruman muhe, Lynda Lopez, cu ta periodista a comparti un potret di e renchi riba su stories di Instagram mientras el a felicita e pareha. E noticia a yega un aña despues cu Jennifer Lopez y Ben Affleck a rebiba nan romance. Anteriormente nan a cuminsa sali hunto na juli 2002 y a compromete na november, prome cu a pospone nan matrimonio na september di 2003 solamente algun dia prome cu e fecha. Finalmente nan a cancela nan compromiso na januari 2004. Den un entrevistra cu JLo na februari, el a bisa cu esaki a haci cu nan conexion awo ta diferente den comparacion cu 18 aña pasa. Awo nan ta mas grandi, mas inteligente, mas experencia, nan ta den un luga diferente den nan bida, tin yiunan awo y nan mester ta consciente di e cosnan aki.
