Cristiano Ronaldo, futbolista di Manchester United, a anuncia riba e rednan social cu un di su morochonan, cu e tabata spera hunto cu su pareha Georgina Rodriguez a muri. E astro Portugues a gradici pa medio di un comunicado, e dokternan y nursenan pa e atencion medico cu nan a ricibi, y el a pidi su fans y e medionan di comunicacion pa privacidad den e momentonan aki.
“Cu profundo tristesa nos mester anuncia e fayecimento di nos yiu homber. E ta e dolor mas grandi cu cualkier mayor por sinti. Solamente e nacimento di nos yiu muhe ta duna nos e forsa pa biba e momento aki cu algo di speransa y felicidad”, por lesa den e comunicado. “Nos kier gradici e dokternan y nursenan pa nan cuido y apoyo. Nos ta kibra cu e perdida aki y nos ta roga pa privacidad den e momento duro aki – Our baby boy, you are our angel – Semper nos lo stima bo”, ta e mensahe firma pa Cristiano Ronaldo y Georgina Rodriguez.
Dia 28 di october Cristiano Ronaldo (37) y Georgina Rodriguez (28) a anuncia cu nan tabata sperando morocho. – “Delighted to announce we are expecting twins????. Our hearts are full of love – we can’t wait to meet you ❤️? #blessed,” – ta loke Georgina Rodriguez a skirbi hunto cu e potret di e ultrasound. Cristiano Ronaldo ta tata di Cristiano Jr. cu tin 11 aña; e morochonan Eva y Mateo y esun mas chikito ta Alana Martina, e prome yiu di Cristiano hunto cu Georgina.
