E solo ta briya mas y despues di cauresma nos ta bay completamente pa e tendencianan di color. Esaki ta significa tambe e colornan riba nos huñanan. E fashionista, Swesdy Beeldsnijder, ta trece e ultimo trends pa tur e fiel siguidonan di InStyle den Focus Digital Magazine.
Bril y mas bril
E temporada aki tin diferente tipo di trends den bril di solo. Wak pa bo ta prepara pa e solo briyante di Aruba. Bo tin nan caba? Saca nan for di bo lachi. Si ainda nan no ta den bo coleccion? Ta ora pa cumpra nan!
Trends den Shimis
E tendencianan den e shimisnan pa zomer 2022 ta mustra un panorama casi di locura. Ta manera cu e diseñadornan di moda no por a scoge un estilo determina y simplemente a tira tur cos den otro.
