E boda espectacular di Carlos Ponce y Karina Banda tabatin tras di cortina un ekipo, cu a encarga di a cumpli cu nan deseonan. E gran dia di Karina Banda y Carlos Ponce a bira realidad! E pareha manera nan a soña pa nan boda ta den un ‘bosque mágico’ acompaña di nan amigo- y famianan, cu a biaha te Valle de Bravo na Mexico pa celebra cada momento hunto cu e pareha.
E presentadora Mexicano y e actor Portoriqueño tabata kier pa nan celebracion ta maraviyoso, cu e decoracion den berde y blanco reflehando e idea di algo magico y esplendido den naturalesa. E tata di Karina a hib’e altar pa entreg’e na Carlos, ken a yega na e ceremonia acompaña pa su mama.
E shimis cu Karina a luci ta di Vade Blanco y su bouquet tabata di orkidia, unda 100 invitado tabata spera ancioso pa su yegada. Despues di e ceremonia, e pareha tabatin full un ekipo cu a encarga di cumpli nan deseonan y cu a planifica e boda minuut pa minuut pa e mustra manera un ‘cuento de hadas’.
